পৃষ্ঠা:কাৰেঙৰ লিগিৰী.djvu/৬০

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
৫৬
কাৰেঙৰ লিগিৰী


সুন্দৰ—শেৱালি এই ফালে আহ! (শেৱালি আচৰিত হৈ উভটি আহে। আৰু সুন্দৰৰ মুখ ৰঙা পৰে) দুৱাৰখন জপাই আহ।
[ শেৱালিযে কি কৰ কি নকৰকৈ ধৰক বৰক কৰি দুৱাৰৰ ফালে যাও নাযাওকৈ সুন্দৰৰ মুখলৈ চাই থাকে।

সুন্দৰ- (অলপ খঙেৰে। দু—ৱাৰ খ—অন জপাবলৈ কৈছো নহ—য়ই।

[ শেৱালি কিংকৰ্তব্যবিমূঢ় হৈ নীৰৱ নিস্পন্দ হৈ শিলা মূৰ্ত্তিৰ দৰে মাথোন সুন্দৰৰ মুখলৈ চাই থাকে। ]


তই শুনিছনে—নাই?

[ শেৱালিযে খৰকৈ গৈ দুৱাৰ জপাই আহি নিৰীহ ভাবে ঠিয় দি থাকে। সুন্দৰ ওচৰলৈ আহি আক্ৰমনৰ ভাবেৰে ]


তই এইদৰে যতে ততে এইবোৰ কি কথা উলিয়াই ফুৰিছ?

শেৱালি—মইনো কি উলিয়াম।

সুন্দৰ—মানুহে এইবোৰ কথা কৰ পৰা কবলৈ পাইছে?

শেৱালি-- জানো মানুহে এইবোৰ কিয় উলিয়াইছে।

[ সুন্দবে শেৱালিৰ মুখৰ ভাব লক্ষ কৰি পাছ হুহকি পালেঙত বহি ]

সুন্দৰ—শেৱালি, তই মোক ভাল পাৱনে?

শেৱালি—( স্বাভাৱিক ভাৱে ) পাও কোঁৱৰ।

সুন্দৰ—(উগ্ৰ হৈ) মোক—ভা—ল পাৱ?

শেৱালি—( ভয় খাই নমতা হয় )

সুন্দৰ—( আত্ম সম্বৰণ কৰি ) কিয়? কিয় ভাল পাৱ?

শেৱালি—এনেয়ে ভাল পাওঁ।

সুন্দৰ—( তীব্ৰতা আৰু ঘৃণাৰে ) এনেয়ে পাৱ—? কেতিয়াও নহয়। ভাল পাৱ? এনেয়ে? এনেয়ে? মই—মই তোৰ তিৰোতাৰ লুইত বান ফেনে ফোটোকাৰে বোৱা আকাঙ্ক্ষাৰ ভালকৈ সোণ—ৰূপ—মণি—মুকুতাৰে যোগান ধৰিব পাৰিম বুলি। সেই কাৰণে—সেই কাৰণে ভাল পাৱ? তিৰোতা—তিৰো