পৃষ্ঠা:কালিকা পুৰাণ.djvu/৪১

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
৩৯
কালিকা পুৰাণ

ইন্দ্ৰে দিলা দধি দুগ্ধ আৰু ঘৃত চিনি।
যতেক লাগিল গুৰ চন্দ্ৰে দিলা আনি॥
সূৰ্য্যে দিল চিৰা-পিঠা সন্দেহ কড়াই।
আউৰ সম্ভাৰ দিল অনেক দমাই॥১৮৫
কুবেৰ দিলেক কিছু সুৱৰ্ণ ৰতন।
মাছ কাছ পহু আদি দিলেক বৰুণ॥
সৰ্পৰাজে দিলা আনি বস্ত্ৰ অলঙ্কাৰ।
বিভীষণে দিলে বহু প্ৰবালৰ ভাৰ॥১৮৬
যমৰাজে দিলে মুণ্ডমালা সাত ধাৰ।
বিশ্বকৰ্ম্মাই বিচাৰিয়া দিলে বাঘছাল॥
এহিমতে গাৱে গাৱে দিলা আগে যাই।
যতেক দিলেক বস্তু লেখন নযায়॥১৮৭
হেমৱন্তে বস্তু খুজি আছে যতমন।
শিৱৰ প্ৰসাদে বলে ভৈল শতগুণ॥
হাতী ঘোৰা ৰথ আদি আনিলন্ত যাই।
তাহাত তুলিয়া বস্তু দিলেক পঠাই॥১৮৮
বস্তুক সজায় লগে দিলন্ত বায়ুক।
বোলন্ত গটায় তুমি দিবাহা ৰাজাক॥
শুনি বায়ু সেহি বস্তু সঙ্গে চলি গৈলা।
সব দ্ৰব্য হেমৱন্তক গটাইয়া দিলা॥১৮৯