এই পৃষ্ঠাটোৰ বৈধকৰণ হৈছে
৩৫
কালিকা পুৰাণ
ভৈলোহোঁ লঘু তাসম্বাৰ বোলে।
ধনহীন নাহি মোহোত পৰে॥১৬৫
মই বৰদিয়া কৰো অচলা।
তথাপিতো মই হওঁ নিচলা॥
ধন লাগে বুলি মনত নাই।
ভাঙ্গ খাই ফুৰো ৰাগি বঢ়াই॥১৬৬
এতিয়াহে জানো ধনেহে বল।
ধনেহে নভৈলে জীৱন নিস্ফল॥
শুনা সৰ্ব্বজন শিৱৰ ঝুনা।
সমস্ত লোকে কাণ পাতি শুনা॥১৬৭
জগতৰ গুৰু শিৱ ঈশ্বৰ।
দেখা ধনহীন কেন লোকৰ॥
আন সামান্যৰ কি কৈবো লেখা।
ধনহীন ভৈলে জীৱন বৃথা॥১৬৮
হেন জানি নৰ ধন আৰ্জ্জিবা।
তেবেসে কন্যাক বিহা কৰিবা॥
যদিহে নোৱাৰা ঘটিবে ধন।
গৃহবাস সুখে নেদিবা মন॥১৬৯
সন্যাসীৰ ভাৱ ধৰি ফুৰিবা।
ঈশ্বৰ চিন্তি তৰিয়া যাইবা॥
