পৃষ্ঠা:কালিকা পুৰাণ.djvu/৩৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩৪
কালিকা পুৰাণ

ভূষণ্ডিত আছে ভস্মৰ ধূলি।
তাক দিলে লঘু হৈবো সমূলি॥১৬০
ইহাৰ বাজে বস্তু নাহি আন।
ধতুৰা ভাঙ্গ আছে কিছুমান॥
সিয়ো জানে লোকে সোতৰ আহুদি॥
কিবা কৰো আবে কোনবা বুদ্ধি॥১৬১
কোনে দিব বস্তু কৈতবা পাম।
কাৰ ঘৰে মই খুজিবে যাম॥
যদি কোনোমতে ধাৰ কৰিম।
পাছে কেনমতে ধাৰ সুজিম॥১৬২
নিদিলে বস্তু পাইবো লাজ।
কেনমতে যাইবো সভাৰ মাজ॥
জানিলো মোহোৰ নভৈল কাজ।
কন্যাক খুজিয়া পৰিলো লাজ॥১৬৩
এৰিবোহো মই হেমন্ত জীক।
যাকে দিব খোজে দিয়োক তাক॥
হেন দেখি কন্যা নোখোজো মই।
ব্ৰহ্মা বাক্যে নাৰদে খুজিল গৈ॥১৬৪
কহিলন্ত আৰু দেৱতাগণে।
ব্ৰহ্মায়ে লঘু কৰিবাক মনে॥