এই পৃষ্ঠাটোৰ বৈধকৰণ হৈছে
২৮
কালিকা পুৰাণ
ওপৰত দিল লক্ষ সুৱৰ্ণ ঘটক।
প্ৰকাশ কৰন্ত চন্দ্ৰ সূৰ্য্যতো অধিক॥
এহিমতে সভাখান নিৰ্ম্মাণ কৰিলা।
তাহাৰ মাজত হোম ঘৰক সাজিলা॥১৩২
প্ৰৱালৰ স্তম্ভ দিলা মাণিকে ৰচিত।
শুদ্ধ সুৱৰ্ণৰ চাল সূৰ্য্যসম জ্যোতি।
সুৱৰ্ণমু কুতা মণি আৰিলা চৌপাশে।
জিলি মিলি কৰে যেন হীৰাৰ প্ৰকাশে॥১৩৩
এহিমতে সভাখান কৰিলা নিৰ্ম্মাণ।
স্থানে স্থানে স্থাপিলন্ত সুৱৰ্ণ আসন॥
যাক যেনমতে লাগে বসিবাৰ স্থান।
ভাগে ভাগে থৈলম্ভ কৰিয়া অনুমান॥১৩৪
তাত পাছে সাজিলন্ত নোৱনী ঘৰক।
তাৰ পটন্তৰ দিবে আমি অপাৰগ॥
চাৰি খুৰা বান্ধি আছে পোৱাল বাখৰে।
নিৰ্ম্মিলাহা দুই চাল শুদ্ধ সুৱৰ্ণৰে॥১৩৫
মানিকৰ ৰুৱা কামি ৰজতৰ চৌতি।
প্ৰকাশ কৰন্ত হেন আদিত্যৰ জ্যোতি॥
চিত্ৰ বিচিত্ৰ যে চন্দ্ৰতাপ আছে আৰি।
চাৰিফালে ইন্দ্ৰজালে আছন্ত আৱৰি॥১৩৬
