পৃষ্ঠা:কালিকা পুৰাণ.djvu/২৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
২৫
কালিকা পুৰাণ

হৰে বোলে বাক্য শুনি আছে ৰঙ্গ পাই।
মোহোৰ ঘৰত মনুষ্যৰ সচ নাই॥
ভূত প্ৰেত পিশাচৰ মই অধিকাৰী।
এতেকেসে খুজি আছো তোমাৰ জীয়াৰী॥১১৭
এহি বুলি সদাশিৱে ৰজাত সুধিলা।
বিবাহৰ ঠিকনাক কোন দিন দিলা॥
আনো দ্ৰব্য বস্তু যত লাগে বিবাহত।
তাহাৰ ঠিকনা আবে কহিয়ো আমাত॥১১৮
শুনি ৰাজা তেতিক্ষণে পুৰোহিত আনি।
কহিলন্ত বিবাহৰ দিন বাৰ গণি॥
আঘোণ মাসৰ দ্বাদশী তিথি বাৰ।
ক্ষণ যোগ নক্ষত্ৰও হোৱে ভাল আৰ॥১১৯
এহি বুলি দিন বাৰ গণিয়া কহিলা৷
বস্তুৰ ঠিকনা ৰাজা কহিবে লাগিলা॥
বোলে মই কত কৈবো যত বস্তু লাগে৷১২০
তথাপিতো অল্প কৰি কহিবাক লাগে॥
প্ৰথমতে তামোল লাগয় দুই লক্ষ।
পাণক লাগিবে আৰু গুচি চাৰি লক্ষ॥
গাখীৰ লাগিবে আৰু পাঞ্চ শত ঘট॥
চুৰা লাগিবেক তাৰ অৰ্দ্ধ যত ঘট॥১২১