এই পৃষ্ঠাটোৰ বৈধকৰণ হৈছে
১১
কালিকা পুৰাণ
বুলিলন্ত জোঁৱাই যদি আসে আমি চাওঁ।
তেবেসে দিবোক কন্যা যদি ভাল পাওঁ॥৪৮
সেহি বাক্য শুনি হেমৱন্তে ৰঙ্গ ভৈলা।
তেতিক্ষণে গৈয়া নন্দী ভৃঙ্গীত কহিলা॥
আসোক জোঁৱাই দেখিবাক মন ভৈল।
শুনি নন্দী ভৃঙ্গী তেতিক্ষণে চলি গৈল॥ ৪৯
কহিলা শিৱৰ আগে নমস্কাৰ কৰি।
চলিবাক লাগে প্ৰভু হেমৱন্ত পুৰী॥
দেখিবাক লাগি তাসম্বাৰ মন ভৈলা।
বিলম্ব নকৰি প্ৰভু তৈকে লাগি চলা॥ ৫০
শুনি মহাৰঙ্গে শিৱ উঠি তাৱক্ষণে।
ভাল ভাল বুলি মাথা জোকাৰয় ঘনে॥
বেতাল ভৈৰৱগণ আছয় যতেক।
বীৰ সাজে কাছি পাৰি সবে চলিয়োক।৫১
এহি বুলি শিৱ সমস্তকে আদেশিলা।
আপুনিও বীৰকাচে কাচিবাক লৈলা॥
বিভূতি আনিয়ে মণ্ডিলন্ত শৰীৰত।
ভোকন্দিৰ টোনাখন শোভয় গলত॥ ৫২
কটিত বাঘৰ ছাল বান্ধিলন্ত টানি।
তহিতে শোভয় নব হস্তৰ কিঙ্কিণী॥
