এই পৃষ্ঠাটোৰ বৈধকৰণ হৈছে
৬১
কিল কিল কৰি ৰিজ দিলা ভয়ঙ্কৰ।
শিল বৃক্ষ মাৰে হানি চাপিয়া ওচৰ॥
দ্ৰৌপদীৰ গাৱ ঢাকি প্ৰহাৰ কৰয়।
ব্ৰহ্ম কবচ পাৰ উফৰিয়া যাই॥২৬৭
দেখি যাজ্ঞসেনী মহাবেগে চলি গৈলা।
দশঙ্কৰী বান পুনু প্ৰহাৰ কৰিলা॥
ম্লেচ্ছ সেনাক মাৰি কৰে বুন্দামাৰ।
তথাপিতো পাচ ভৰি ন কৰয় আৰ॥২৬৮
খেদি আসে দ্ৰৌপদীক বেঢ়ি নিৰন্তৰ।
ছেদি জেদি নেই পুনু দ্ৰৌপদীৰ শৰ॥
দ্ৰৌপদীক বেঢ়িলন্ত চতুৰ্ভিতি বাই।
খৰমাৰ কৰি শক্তি মহাবেগে ধাই॥২৬৯
দেখি দেবগণে বোলে ভৈলা বিপৰ্যয়।
দ্ৰৌপদীক বেঢিলেক ম্লেছু সেনাচয়।
একাল পৰে কি কৰিবো অনেক সেনা।
হাহাকাৰ কৰে দেবে দুখক অনেক॥ ২৭০
হেন দেখি যাজ্ঞসেনী মহাদুখ কৰি
অনেক হানিলা শৰ বাবে কৰি।
আগৰ খিহি লেনা হেৰু আছিলা।
নিগুটি কৰিয়া দেবী কাটিলা।২৭১
