এই পৃষ্ঠাটোৰ বৈধকৰণ হৈছে
( 8 )
সিয়োকালে মই, লাগ ন পাইলোহো,
কাণখোৱা কৈত আছে॥
বৰাহ স্বৰূপে, পৃথিবী উদ্ধৰি
আনিলোঁ দন্তৱ আগে।
হিরণ্যাক্ষ নামে, বীৰক বধিলোঁ,
যুদ্ধ কৰি বড় বাগে॥
মোক ভয়ে যত, অসুৰ পলাইল,
কম্পি গৈল ত্ৰিজগত।
সিয়ো কালে মই, লাগ ন পাইলোহোঁ
কাণখোৱা কেন মত॥
স্ফটিকৰ স্তম্ভে, বাবা ভৈলোঁ পুনু ,
নৰসিংহৰূপ ধৰি।
হিৰণ্যকশিপু, বীৰক বধিলোঁ,
নখ অগ্ৰে হিয়া চীৰি॥
জটাৰ চটিত, মেখ উড়ুৱাইলোঁ,
মেদিনী কম্পাইলোঁ বলে।
