এই পৃষ্ঠাটোৰ বৈধকৰণ হৈছে
বিৰহিণী বিলাপ কাব্য।
ক’লিম’লী নিশা আহে মাৰি ক’লা ধুন!
ক’তা?—তেওঁ নাহিল দেখোন?
কিৰূপে সহিম ঐ?
হৃদয়ৰ জ্বল জুই বিৰহ-যাতনা?
নাহিল দেখোন তেওঁ?— সখি! কি ছলনা?
হৃদয়ৰ দুখ মোৰ ক’তা বুজিলে কেও?
তেঁওক পিন্ধাম বুলি অতি হাবিয়াস কৰি॥
নাপালো পিন্ধাব মোৰ কপাল!-কপাল।
সখি ঐ! কেতিয়া আহিল স্বামী?
ইপৰ সিপৰ কৰি দিনটো কটালো সখি!
এদিন দুদিন কৰি পঠিয়ালো মাহ;
এমাহ দুমাহ কৰি বছৰো যে গ’ল গুছি
