এই পৃষ্ঠাটোৰ বৈধকৰণ হৈছে
জ্বলে সমে যেন পঙ্কজ কোষ।
যুজন্ত শত্ৰুক কৰি আক্ৰোশ॥
কোনো জনী বোলে কিনো অসুখ।
কিয়নো নোচোৱা ৰামৰ মুখ॥
অৰুণ নেত্ৰ পঙ্কজৰ জ্যোতি।
কৰিছা ক্ৰোধ মুষ্টিকৰ প্ৰতি॥
কেহো বোলে সখি দেখিয়ো তুমি।
ধন্য ধন্য সিটো ব্ৰজৰ ভূমি॥
পুৰাণ পুৰুষ এহেন্তে হৰি।
ফুৰন্ত যাত নানা ক্ৰীড়া কৰি॥
অৱতৰি বিষ্ণু আছা মহীত।
ইহাঙ্কো মৰাৱে মালে সহিত॥
ইটো সমাজক আছে ধিক্কাৰ।
বোলা হৰি হৰি তৰা সংসাৰ॥
⸻⸻
ঘোষা।। ৰামেসে গতি ভজ মোৰ মতি ৰামেসে গতি॥
অভাগী কিনো আমি সবে সখী।
যুদ্ধ সময়ত কৃষ্ণক দেখি॥
