এই পৃষ্ঠাটোৰ বৈধকৰণ হৈছে
বান্ধৱ চোটে ভাগে কলেবৰ।
এৰায়া কতোহো হোৱে অন্তৰ॥
ক্ৰোধে চক্ষু পকাই সঘনে চান্ত।
তৰ্জ্জন্ত গৰ্জ্জন্ত কামুৰি দন্ত॥
বলী নিৰ্ব্বলীৰ যুদ্ধ দেখিয়া।
পুৰবাসী স্ত্ৰীৰ নসহে হিয়া॥
অন্যো অন্যে বোলে ইটো অকৰ্ম্মে।
ৰাজ সমাজক পাৱে অধৰ্ম্মে॥
ৰাজা যে কৰায় অন্যায় যুদ্ধ।
তাকো চাই আছে সবে অবোধ॥
ইটো দুই মাল বজ্ৰৰ সাৰ।
মাধৱ ৰাম অতি সুকুমাৰ॥
নতু প্ৰবেশয় যৌবন কালে।
তাসম্বাক যুজে দুৰ্জ্জয় মালে॥
সভাৰো ধিক্কাৰ থাকোক আতি।
কহয় কথা অন্যো অন্যে মাতি॥
দেখিয়ো কৃষ্ণৰ বদন ইন্দু।
ব্যাপিয়া আছে ঘৰ্ম্ম জল বিন্দু॥
