এই পৃষ্ঠাটোৰ বৈধকৰণ হৈছে
কৃষ্ণক দেখিবে কাৰো উত্ৰাৱল চিত্ত।
পিন্ধে বস্ত্ৰ অলঙ্কাৰ কৰি বিপৰীত॥
এক কৰ্ণে কুণ্ডল কঙ্কণ এক কৰে।
বিমোহিত হুয়া আসে বস্ত্ৰো নসম্বৰে॥
অঞ্জনে ৰঞ্জিলমাত্ৰ এগোটা লোচন।
কতো কতো নাৰীগণে এৰিলে ভোজন।
পিয়ান্তে আছিল স্তন শিশুক এৰিল।
কৃষ্ণক দেখিব মনে গৃহত চৰিল॥
ৰাজপথে চলি যান্ত লীলায়ে মাধৱ।
তাসম্বাৰ নয়নৰ বঢ়ায়া উৎসৱ॥
কমললোচন হাসি কটাক্ষে চাহন্তে।
সমস্তে নাৰীৰ মন হৰিল একান্তে॥
যাৰ গুণ কথাক শ্ৰবণে আছোঁ শুনি।
নেত্ৰ ভৰি দেখোঁ হেন কৃষ্ণক আপুনি॥
কৃষ্ণৰ কটাক্ষ হাস্যে বৰিষে অমৃত।
পুৰি মনোৰথ সবে ভৈল কৃতকৃত্য॥
নয়নৰ পথে নিয়া অভ্যন্তৰ।
আনন্দ মুৰ্ত্তিত আলিঙ্গয় নিৰন্তৰ॥
