এই পৃষ্ঠাটোৰ বৈধকৰণ হৈছে
৯৩
অসমীয়া মহাভাৰত।
যদি হেন হোৱে যুদ্ধে পাণ্ডৱক মাৰি।
সকল পৃথিবী পাইবা অকণ্টকা কৰি॥৪১৫
তথাপিতো জেঠা পাছে সুমৰিবা মোক।
কিছু ৰঙ্গ নপাইবা ভাতিজৰ শোক॥
যদি হেন হোৱে জেঠা পাণ্ডৱ বিশাল।
দুৰ্জ্জুনৰ অগনি সাক্ষাতে যমকাল॥৪১৬
প্ৰচণ্ড অগনি যেন দেৱতাৰ শৰে।
নিগুটি কৰিয়া যদি কৌৰৱ সংহৰে॥
তেবে তোমাথেৰ ভৰানাৱ তল যাই।
পাছে কি কৰিবা জেঠা কহিয়ো উপাই॥৪১৭
পৃথিবীৰ ৰাজাগণ আনি আছা যত।
সবেয়ো মৰিবে অন্যো অন্যে সমৰত॥
আক জানি দণ্ড যদি নাভাঙ্গাহা আগে।
বিশ্ববধ পাতেক তোমাতে তেবে লাগে॥৪১৮
এহি বুলি আসনৰ উঠিলন্ত হৰি।
যুধিষ্ঠিৰ ৰাজাৰ কাকত শিৰে ধৰি॥
পাগৰ ওপৰ কৰি কিৰীটিৰ আগে।
সামান্যৰ যেনে নৃপতিৰ অনুৰাগে॥৪১৯
সেহি মতে কৃষ্ণ অবনত কৰি মাথে।
ধৃতৰাষ্ট্ৰ ৰাজাৰ দিলন্ত হাতে হাতে॥
