এই পৃষ্ঠাটোৰ বৈধকৰণ হৈছে
৮২
উদ্যোগ পৰ্ব্ব
ৰাজ চিহ্ল যতেক অচয় সমস্তয়
যাৰ বাক্য নৃপতি সকলে আদৰয়॥
তোমাত ভকতি যিটো ক্ষেণেকো নেৰন্ত।
হেন সহদেব বাছা কুশলে আচন্ত॥৩৬০
সুবলিত শিশু সুবলিত আতি কায়া।
চাৰিতো অধিক মোৰ নকুলত দায়া॥
এক দণ্ডে যুগ যাই নেদেখি যাহাক।
চৌধয় বৎসৰে নতু পাঁও দেখিবাক॥৩৬১
নিতে ৰোষ কৰন্ত চৰিয়া মোৰ কোলে।
কুশলে আচন্ত বাপু হেনয় নকুলে॥
আদৰৰ বহাৰি পৰম সুচৰিতা।
পাঞ্চতো অধিক মোৰ দ্ৰোপদীক চিন্তা॥৩৬২
বনবাসে গৈল পতি গণক সাদৰি।
আপোনাৰ পাঞ্চ তনয়ক পৰি হৰি॥
উপদ্ৰব কৰিল কীচক মহাবলে।
হেনয় দ্ৰোপদী আই আচন্ত কুশলে॥৩৬৩
হেন প্ৰিয়া দোপদীক দুঃশাসনে পাই।
যিবেলাত সমাজক নিলেক ঘষাই॥
বিবস্ত্ৰ কৰন্তে ৰাজাগণ চাই আছে।
ইহাত অধিক মোৰ কোন দুঃখ আছে॥৩৬৪
