এই পৃষ্ঠাটোৰ বৈধকৰণ হৈছে
৭৭
অসমীয়া মহাভাৰত।
কৰ্ণে মাধৱক গই, চৰণৰ ধুলি লই,
মহেশ ধৰিছে যাক জটে।
মুখত অমৃত বাণী, হৃদয়ত খুৰ খানি,
দোৰ্য্যোধনে নমিলা কপটে॥
চৰণৰ ধুলি লই, কতো দূৰ মানে গই,
পাছ মুণ্ডে পেলাইলা জঙ্কাৰি।
দুঃশাসন আদি যত, তাসম্বাৰ ভাই আছে,
সমস্তে নমিলা জানুপাৰি॥৩৩৭
নমো নমো নাৰায়ণ, ভৱ ভয় বিনাশন,
অৰুণ চৰণে ৰাখিয়োক।
বোলে ৰাম সৰস্বতী, ৰাম বুলি সাধা গতি,
যত আছা সমাজিক লোক॥৩৩৮
⸺
পদ।
বৈসম্পায়ন বদতি শুনিয়ো নৰেশ্বৰ।
ধৃতৰাষ্ট্ৰে মাধৱক পূজিলা বিস্তৰ॥
হস্তী ঘোৰা ৰথচয় দিলেক অপাৰ।
দাস দাসী উছৰ্গীলা হাজাৰে হাজাৰ॥৩৩৯
