এই পৃষ্ঠাটোৰ বৈধকৰণ হৈছে
৫৯
অসমীয়া মহাভাৰত
সৰ্ব্বকালে বৃকোদৰ দাৰুণ কপটি।
পাশা খেলি কৌৰৱে কৰিলে লটি ঘটি॥২৫৮
ৰাজ্য পাইলে কৌৰৱ গণক দেখে ভাল।
গুণি ছোৱা গুৰু দ্ৰোণ কোন খানি ভাল॥
শিশুকাল হন্তে জানো ভীম মহত।
পাণ্ডু পুত্ৰ পাঞ্চ তাৰা মোৰ একশত॥২৫৯
এক দিনা শিশুগণ সবে লাগ লই।
ফল খাইবে প্ৰতি গৈলা ভীমত নকই॥
অমৃত সমান ফল পবিত্ৰ কোমল।
তাতে গৈয়া চৰিলেক চৱাল সকল॥২৬০
বৃকোদন ফুৰে চাই চাৱাল নেদেখি।
পাছে পাছে খেদি গৈলা খোজক নিৰেখি॥
লাগ পাইয়া বৃক্ষৰ মুলত ভৈলা থিয়।
দেখি শিশু সকলৰ উৰি গৈলা জীৱ॥২৬১
নোখোজন্তে কতো বোলে ফল খাইবো মাগি।
ছৰিবে খোজন্ত সবে বৃক্ষ যাই ভাগি॥
মোক এৰি আসিলি মনত কোপ কৰি।
জঙ্কাৰিবে লাগিলা বৃক্ষৰ মুলে ধৰি॥ ২৬২
ডাল ভাগে ফল শৰে যত শিশুগণ।
পৃথিবীত পৰি সবে হৱে সচেতন॥
