এই পৃষ্ঠাটোৰ বৈধকৰণ হৈছে
৫৬
উদ্যোগপর্ব্ব।
বৃকস্থল নামে গ্ৰাম নাই পটন্তৰ।
সিদিনাত তথাত ৰহিলা দামোদৰ॥২৪৩
মাধৱক দেখিয়া যতেক নৰ নাৰী।
সপুত্ৰ বান্ধৱে বেঢ়িলেক শাৰি শাৰি॥
দণ্ডৱতে কৃষ্ণক নামিল সামৰাজে।
কৰষোড় কৰি বোলে শুনা যদুৰাজে॥২৪৪
পাণ্ডৱৰ সুহৃদ তোমাত পৰে নাই।
আজি ৰহিয়োক নেত্ৰভৰি থাকো চাই॥
জগত নায়ক তুমি ব্ৰহ্মাদিৰো দেৱ।
জানি শুনি তোমাক পাণ্ডৱে কৰে সেৱ॥২৪৫
তুমি পাণ্ডৱক স্নেহ কৰা অবিশ্ৰান্ত।
তথাপি পাণ্ডৱে কিয় এত দুঃখ পান্ত॥
আৰো এক কথা কহো শুনা যদুপতি।
পাণ্ডৱত লাগি মোৰ যতেক বিপত্তি॥২৪৬
নিশা ভাগে চৰ ফুৰে দুষ্ট কৌৰৱৰ।
পাণ্ডৱক প্ৰশংসা কৰয় কোন নৰ॥
গ্ৰাম নগৰত থাকি অলক্ষিত হই।
অকস্মাত কোন জনে পাণ্ডৱ বোলই॥২৪৭
তবে তাক দিবে নিয়া নাহিকে নিস্তাৰ।
পোতাশালে বন্দি কৰি ভুঞ্জাবে নিকাৰ॥
