এই পৃষ্ঠাটোৰ বৈধকৰণ হৈছে
৫০
উদ্যোগ পৰ্ব্ব।
সিবেলাত ভৈল দশোদিশ সুপ্ৰসন্ন।
ধীৰে ধীৰে বহে মন্দ সুগন্ধি পবন॥২১৩
মাধৱৰ যাত্ৰা দেখি পশু পক্ষী গণ।
দক্ষিণ বামক লাগি কৰিলা গমন॥
অশোভন যিব অমঙ্গল সৰ্ব্বকাল।
হেন পশু পক্ষীগণ গৈল বাম ফাল॥২১৪
শুদ্ধ পশু পক্ষী গণ দক্ষিণক গৈল।
সজ্জন জনৰ মনে আনন্দিত ভৈল॥
যেতিক্ষণে পয়ান কৰিলা জগন্নাথ।
হস্তিনা পূৰত ভৈলা ঘোৰ উতপাত॥২১৫
অনাবাৱে বৃক্ষ ভাগে ৰুধিৰ বৰিষে।
ঘোৰ অন্ধকাৰ ময় ভৈল দশো দিশে॥
হস্তী ঘোৰা কান্দৈ অনামেঘে বজ্ৰ পৰে।
দেখি কুৰু সমাজ আকুল ভৈল ডৰে॥২১৬
মাধবে আনন্দে চলিলন্ত ৰাজপথে।
যুধিষ্ঠিৰো চড়িলন্ত মাধৱৰ ৰথে॥
নিজৰথে চড়ি চলি গৈলা ৰাজাগণ।
পাঞ্চ ভাই গৈলা আগবঢ়াই বাক মন॥২১৭
দাৰুকে ডাকন্ত ৰথে চলে গম গতি।
অনন্তৰে যুধিষ্ঠিৰে কৃষ্ণত বদতি॥
