এই পৃষ্ঠাটোৰ বৈধকৰণ হৈছে
৩৪
উদ্যোগ পৰ্ব্ব।
ভেদমত নুবুলি বুলিবা প্ৰিয় সাম।
ৰাজ্য় নেদে যদ্যপি মাগিবা পাঞ্চ গ্ৰাম॥
তথাপিতো আমাৰ দন্দত কাৰ্য্য নাই।
তাৰে সেৱা কৰিয়া থাকিবো পাঞ্চ ভাই॥ ১৪৭
ভীমে উঠি বোলন্ত শুনিও জনাৰ্দ্দন।
মহাঘোৰ সমৰত নাই মোৰ মন॥
একে থানে জন্ম সবে কুৰু পাণ্ডবৰ।
গুণি চোৱা বৃষ্ণ আমি কি দূৰ ওচৰ॥ ১৪৮
অমৰ্য্যাদ যদি দোৰ্য্যোধন দূৰাচাৰ।
তথাপি সম্বন্ধে হোৱে ভাই আপোনাৰ॥
ভাইৰ দোষ নসহি সহিবো দোষ কাৰ।
যদ্যপি বিৰোধি তভো বংশ আপোনাৰ॥১৪৯
ভাই ভাই বিৰোধ দুৰ্গুণ কাৰ্য্য় সহে।
সি সি মহাজন যিটো দুৰ্গুণক সহে॥
গৃষ্মকালে সন্তোষ চন্দন বিন্দু পালি।
তেনয় সন্তোষ শুনি গোত্ৰবৰ গালি॥ ১৫০
ভিক্ষামাগি খাইবো ঘৰে ঘৰে চিৰকাল।
তথাপিতো কৃষ্ণ বিবাদত নাহি ভাল॥
বৈসম্পায়ন বদতি শুনিয়ো জন্মিজয়।
কৃষ্ণে যদি শুনিলা ভীমৰ বাক্য চয়॥ ১৫১
