এই পৃষ্ঠাটোৰ বৈধকৰণ হৈছে
২১৯
অসমীয়া মহাভাৰত।
তোকো শিক্ষা দিয়োঁ শুন ৰাজা দোৰ্য্যোধন।
খেদি যাই পাণ্ডৱক নকৰিবি ৰণ॥ ১০১৮
দেৱতাৰ যুদ্ধ জানে পাণ্ডৱ বিশাল।
দূৰতে থাকন্তে শিৰ কাটে ততকাল॥
যদি যুদ্ধ লাগে তই পাঞ্চিবি আমাক।
দ্ৰোণ আদি কৰি যাক যিবেলা পাসক॥ ১০১৯
আৰো কথা কহো শুনিয়োক ৰাজাগণ।
নৃপতিৰ সোদৰ যুবৰাজ দুঃশাসন॥
তোৰাৰো সোদৰ আসি আছে যত যত।
দুঃশাসন বীৰক ৰাখিয়ো সমৰত॥ ১০২০
দোৰ্য্যোধন পুত্ৰ যিটো লক্ষণ কুমাৰ।
বত্ৰিশ হাজাৰ ৰাজা পুত্ৰ ৰক্ষা কৰ॥
অৱশেষ ৰাজাগণ থাকা মোৰ ঠাই।
যুদ্ধৰ সময়ে আমি নিবন্ধিবো পাই॥ ১০২১
বৈসম্পায়ন বদতি শুনিয়ো নৰেশ্বৰ।
ভীষ্মক ৰাজাৰ পুত্ৰ ৰুক্ম বীৰ বৰ॥
যিবেলাত দামোদৰে ৰুক্মিণী হৰিলা।
সিবেলাত ৰাজাগণে বেঢ়ি যুদ্ধ দিলা॥ ১০২২
শাইলেক বাজাগণ শৰে মাধৱৰ।
পাচে ৰুক্মবীৰে কৰিলেক অঙ্গীকাৰ॥
