পৃষ্ঠা:উদ্যোগপৰ্ব্ব.djvu/২০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
২০
উদ্যোগ পৰ্ব্ব।

ভ্ৰাতৃৰ তনয় নিজ পুৰে এৰে সৰি।
তাক দুঃখ দিলে যম যাতনাত মৰি॥
ধৰ্ম্মময় বৃক্ষ যুধিষ্ঠিৰ মহাভাগ।
ফল ফুল ভৈল তাতে নকুল সহদেৱ॥৭৭
ভীম ধনঞ্জয় তাতে ভৈল দুই ডাল।
মই দৃঢ় শিপা মুৰ ভেদিছো পাতাল॥
ফল পুষ্প শোভনদ বৃক্ষ দেথি যাক।
সহস্ৰ বতাসে মিলি কি কৰিবে তাক॥৭৮
অধম আচাৰে বৃক্ষময় দোৰ্য্যোধন।
দুই ডাল ভৈল তাৰ কৰ্ণ দূঃশাসন॥
ফল পুষ্প ভৈল তাত উনশত ভাই।
পচা শিপা ভৈলা তাত শকুনি মোমাই॥৭৯
প্ৰচন্দ বতাস হুইব পাণ্ডৱ সকল।
পাণ্ডৱ বায়ুৰ সখা মই নিজ বল॥
অল্প বতাসতে সিটো বৃক্ষ ভাগি পৰি।
বৃক্ষৰূপি সমস্ত কৌৰব যাইবে মৰি॥৮০
আকে জানি আদ ৰাজ্য দিৱন্তোক আগে।
সবংশে জীওক দন্দ বিবাদ নলাগে॥
সঞ্জয় বদতি হেন কথা শুনি মই।
পুনৰপি মাধৱক বুলিলো নিশ্চই॥৮১