এই পৃষ্ঠাটোৰ বৈধকৰণ হৈছে
১৮
উদ্যোগ পৰ্ব্ব।
আৱৰ খাটত তাৰ চৰণৰ পাছে।
অৰ্জ্জুনক দেখিলো তথাত শুতি আছে॥
ইতিনি ভূবনে যাৰ সম নাহি ৰূপে।
দ্ৰোপদীও শুতিচন্ত তাহান সমীপে॥৬৭
সিংহৰ লগত যেন শুতিছে সিংহিনী।
অৰ্জ্জুনৰ লগে সেহিমতে যাজ্ঞসেনী॥
দেখিলো কৃষ্ণৰ মই দুখানি চৰণ।
নিঃকিঞ্চন জনৰ বাঞ্চনি মোক্ষধন॥৬৮
ধ্বজ বজ্ৰ অঙ্কুশ কমল তাতে জলে।
এখানি দেখিলো অৰ্জ্জুনৰ বক্ষস্থলে॥
ৰাতুল বৰণ অৰ্জ্জুনৰ শ্যাম তনু।
মেঘত প্ৰকাশে যেন বাসবৰ ধনু॥৬৯
বাম চৰণ বাম হস্ত সমে তাতে।
ঘাপিলন্ত কৃষ্ণে সত্যভামাৰ কোলাতে॥
বিষময় হুয়া কিবা সপোনে সচেতে।
তেসম্বাৰ শয়ন দেখিলো সেহিমতে॥৭০
লোমাঞ্চ শৰীৰ মোৰ কাম্পে হাতভৰি।
মাটিত বসিলো মই কৃতাঞ্জলি কৰি॥
দণ্ডৱতে পৰি পৰি প্ৰণামো তথাতে।
উঠি উঠি কৃতাঞ্জলি কৰো দুই হাতে॥৭১
