এই পৃষ্ঠাটোৰ বৈধকৰণ হৈছে
১৫২
উদ্যোগপৰ্ব্ব।
সবংশে মাৰিবো ইটো পাপিষ্ঠৰ হেতু।
কুৰু কুল মধ্যে দোৰ্য্যোধন ধুমকেতু॥৭০০
তাৰ অৰ্থে পাণ্ডৱক যুজিবো কেমনে।
এহিবুলি ক্ৰন্দন কৰয় ভীষ্ম দ্ৰোণে॥
অধোমুখে ৰহিলেক নুশুনিয়া তাক।
মহন্তে নুশুনে যেন ইতৰৰ বাক॥৭০১
হেন দেখি ভীষ্ম দ্ৰোণ দুইকো দুয়ো চাই।
অন্যে অন্যে বোলে আতপৰে দুঃখ নাই॥
ভীষ্মে বোলে আতপৰে দুঃখ কোন আৰ।
মহা গুণৱন্ত পাঞ্চ পাণ্ডৱ কুমাৰ॥৭০২
মহা স্নেহে যাক কোলে বুকে আছো তুলি।
শিশুকালে মাতিছে আমাক পিতৃ বুলি॥
পৰম বিনীত মোৰ ধুধিষ্ঠিৰ নাতি।
শত্ৰু পক্ষ তথাপি আমাক স্নেহ আতি॥৭০৩
সুকোমল লৱনু পুতলি এৰে সৰি।
সি শৰীৰে শৰ প্ৰহাৰিবো কেন কৰি॥
পৰম দাৰুণ ভীম তথাপি মহন্ত।
জননীত কৰি আমাসাক আদৰন্ত॥৭০৪
বংশধৰ নাতি মোৰ পৰম নিপুন।
কতেক কহিবো মই অৰ্জ্জুনৰ গুণ॥
