এই পৃষ্ঠাটোৰ বৈধকৰণ হৈছে
১৫
অসমীয়া মহাভাৰত।
ধৃতৰাষ্ট্ৰে সঞ্জয়ক মাতিলন্ত পাছে।
পাণ্ডৱৰ লগত মাধৱ তৈতে আছে॥
পাণ্ডৱৰ আগে কৃষ্ণে কি বুলিলে মোক।
ধনঞ্জয়ে কি বুলিলে তাক কহিয়োক॥৫২
আমি জানো কৃষ্ণৰ কুটুম্ব দুয়োঘৰ।
বঢ়া টুটা নাহি কিছু সমন্ধে কৃষ্ণৰ॥
কিবা পাণ্ডৱৰ পক্ষে অধিক স্নেহ কৰে।
কিবা দুয়ো ঘৰত সমান দামোদৰে॥৫৩
বৈশম্পায়ন বদতি শুনিয়ো জন্মিজয়।
ধৃতৰাষ্ট্ৰ নৃপতিৰ বচনে সঞ্জয়॥
এক মন্দিৰতে কৃষ্ণে অৰ্জ্জুনে শয়ন।
নিৰ্জ্জানত ৰৈলে দ্ৰোপদীও সেহিথান॥৫৪
সত্যভামা সমে মাধবকো দেখি তথা।
সঞ্জয়ৰ মনত পৰিল সিটো কথা॥
মাধৱৰ ৰূপ সিটো বচন সুমৰি।
মুৰ্চ্চা গৈল সঞ্জয় যে পৃথিবীত পৰি॥৫৫
মুৰ্চ্চাগত সঞ্জয় মুকুত ভৈল বুলি।
দুইহাতে বিদুবে ধৰিলা তাঙ্ক তুলি॥
শুনি ধৃতৰাষ্ট ৰাজা মনত বিকল।
পাৱত ঢালিলা আনি সুণীতল জল॥৫৬
