এই পৃষ্ঠাটোৰ বৈধকৰণ হৈছে
১৪৫
অসমীয়া মহাভাৰত।
কাক পুত্ৰ বুলি হিত মন্দ বোল কাক।
বিদুৰত পুছ ৰাজা ইসব কথাক॥ ৬৬৫
বৈসস্পায়ন বদতি শুনিয়ো নৰেশ্বৰ।
এহি বুলি মৌন ভৈলা গঙ্গাৰ কুমাৰ॥
শুনি কৌতুহল ধৃতৰাষ্ট্ৰ নৰপতি।
ৰাজনিতি পুছিলেক বিদুৰক মাতি॥৬৬৬
শুনিয়ো বিদুৰ বাপু মোৰ প্ৰাণ ভাই।
ৰাজ নীতি ধৰ্ম্ম বাপু কহিয়ো বুজাই॥
হেনবা সুস্থিৰ হবে আমাৰ মনৰ।
কহিয়োক মোক ৰাজনীতি নিৰন্তৰ॥ ৬৬৭
বিদুৰ বদতি কথা শুনিও শোভন।
প্ৰথমতে শুনা দদা ৰাজাৰ লক্ষণ॥
মহাশান্ত শিষ্ট ৰাজা হুইবে ধৰ্ম্মমতি।
প্ৰজাকো বিবিধ ধৰ্ম্ম শিখাইবে সম্প্ৰতি॥৬৬৮
নৃপতিৰ অসত্য বোলন বৰ দোষ।
শুনি আই বসুমতী কৰে অসন্তোষ॥
দুৰ্গম থানত পাত কৰিবে বিস্তৰ।
যিটো জন হোৱে বুদ্ধিমন্ত নৰেশ্বৰ॥৬৬৯
তাতে ধন ধান্য নিয়া থৈবেক ভৰাই।
আপদ বেলাত যেন বঞ্চিবাক পাই॥
( ১৩ )
