এই পৃষ্ঠাটোৰ বৈধকৰণ হৈছে
১৩৪
উদ্যোগপৰ্ব্ব
দ্ৰোপদীৰ দুঃখ বৰ, স্মৰি ৰাজা নিৰন্তৰ,
ললাটৰ হন্তে বহে ঘাম।
ভীষ্মক দ্ৰোণক মানি, গোত্ৰ হত্যা মনে জানি,
যুধিষ্ঠিৰে ভৈলা উপশাম॥
ভীমৰ ক্ৰোধত বৰ, চাহি আছে নিৰন্তৰ,
দুয়ো নয়নৰ নীৰ বহে।
গদা গোট ডাঙ্গিবৰ, নাদিলন্ত ভয়ঙ্কৰ,
যাৰ ছোটে পৃথিবী নসহে॥৬১৮
গাণ্ডীৱ ধনুক ধৰি, অৰ্জ্জুনে টঙ্কাৰ কৰি,
শবদে পুৰিলা দশো দিশ।
সহদেৱ নকুলৰ, সিংহনাদ ভয়ঙ্কৰ,
সভাখান ভৈলা উস মিস॥
এহি মতে বীৰ চয় কৰে সবে জয় জয়,
কৌৰৱক বধিবাক মন।
যুধিষ্ঠিৰ নৃপতিৰ, উৎসাহ বঢ়ায়া কৃষ্ণে,
সেহিবেলা বুলিলা বচন॥৬১৯
ৰঘুদেব নৃপতিৰ, ৰূপৱতী পটেশ্বৰী,
তান দুই পুত্ৰ ভৈলা জাত।
নিজ গুণে গুণাকৰ, মুকুন্দ দেৱ যে বৰ,
ছোট বলি নাৰায়ণ ক্ষাত॥
