এই পৃষ্ঠাটোৰ বৈধকৰণ হৈছে
১০৪
উদ্যোগপৰ্ব্ব
আঙ্গুলি ঠাৰিয়া বিদুৰক প্ৰতি ৰৈলা।
কৃষ্ণক সম্বুধি ৰাজা বুলিবাক লৈলা॥
দোৰ্য্যোধন বদতি নুগুণি পূৰ্ব্বাপৰ।
অকাৰণে মোক নিন্দা কৰা দামোদৰ॥
যি বুলিলা ৰাজ্য কাঢ়ি লৈলি পাশা চলে।
তাৰো কথা কহো মই শুনিয়ো সকলে॥ ৪৭১
ইন্দ্ৰ প্ৰস্থ হন্তে হাম্ফলিয়া পাঞ্চ ভাই।
পাশা খেলাইবাক লাগি আইলা মোৰ ঠাই॥
ময়ো পাশা নেখেলাইলো এহি কথা জানি।
অনন্তৰে আগ বাঢ়ি গৈলেক শকুনি॥৪৭২
শকুনিত হাৰিল সমস্তে ৰাজ্য ভাৰ।
পাঞ্চো ভাই হাৰিলেক ভাৰ্য্যা আপোনাৰ॥
আগে ৰঙ্গে খেলি পাছে কৰে অসন্তোস।
গুনি চোৱা মাধব আমাৰ কোন দোষ॥৪৭৩
পাশা খেলি দাস ভৈল গৰ্ব্ব গৈল ভাগি।
উদ্ধাৰ কৰিলো মই শকুনিত মাগি॥
তথাপি তোমৰা নিন্দা মোক চল পাই।
জানিলেহো ইকালে ভালৰ ভাল নাই॥৪৭৪
ৰাজ্য ভাৰ-হাৰি সন্যাসীৰ ধৰি বেশ।
তপস্যাক মনে বনে ভৈলেক প্ৰবেশ॥
