পৃষ্ঠা:আশীৰ্ব্বাদ.pdf/৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


       অপবিত্ৰ দ্ৰব্যক পুণ্ডৰীকাক্ষ নামৰ প্ৰভাৱতে শৰাই, শলিতা, অৰ্চ্চনা, অৰিহনা, গুৱা-পান আদি অৰ্চ্চনীয় সকলো দ্ৰব্যকে পবিত্ৰ কৰি মোৰ বুলি গ্ৰহণ কৰি কৃপা কৰিব লাগে ॥০॥ হৰিধ্বনি কৰিব।

ৰাজহুৱা বৰ সবাহৰ আশীৰ্বাদ।

১।
নমো নমো নাৰায়ণ      প্ৰসন্ন হুয়োক হৰি

কৰিয়োক মায়াক নিৰ্য্যান।
আপোনাৰ মহিমাক     আপুনি বেকত কৰি

জীৱক কৰিয়ো পৰিত্ৰাণ ।

       ভাল– আজি ৰাইজৰ সম্বৎসৰিক মহা মহোৎসৱ হৰি কীৰ্ত্তন নিঃকাম ঈশ্বৰ সেৱা উপলক্ষে তোৰা সব সাক্ষাৎ চৈতন্য মূৰ্ত্তিক একত্ৰাপতি কৰি ইয়াতে নাম, গুৰু, দেৱ, ভকত, ভাগৱত সকলোকে এক কৰি কায় বাক্য মনে এয়ে বৈকুণ্ঠ, ইয়াতে জগদীশ্বৰ, জগদকৰ্ত্তা, দৈবকী হৃদয়ানন্দ, নন্দৰ নন্দন, সৰ্ব্ব যজ্ঞেশ্বৰ হৰি, শ্ৰীকৃষ্ণ ভগৱন্ত স্থিত হৈছে বুলি তোমৰা সবৰ চৰণত অৱনত শিৰে সেৱা জনাইছে। ইয়াতে কায়, কষ্ট, ব্ৰত, মনে, ঘৰে, ভাবে, ভক্তিয়ে ঠাৱৰিব নোৱাৰাত অনেক চিদ্ৰ। সেই চিদ্ৰকে নিচিদ্ৰ কৰি শত শত অপৰাধ মাৰ্জ্জনা কৰি এই সেৱাকে মোৰ বুলি গ্ৰহণ কৰি নিজ কৰুণা গুণে ভগৱন্ত প্ৰসন্ন হৈ কৃপা কৰিব লাগে ॥০॥ ( প্ৰতি ফাঁকিৰ অন্তত হৰিধ্বনি কৰিব )।