পৃষ্ঠা:আশীৰ্ব্বাদ.pdf/৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


আশীৰ্ব্বাদ
শ্ৰীশ্ৰীশঙ্কৰায় নমো নমঃ।

       যেই কোনো ঈশ্বৰৰ সেৱা হওক প্ৰথমে শৰাই, শলিতা, গুৱাপান, অৰ্চ্চনা, অৰিহনা আগ বঢ়াই সেৱকী সকলে নিজৰ স্বত্ব ধ্বংস কৰি সকলো দ্ৰব্য সমূহ ভকত ভাগৱতত সেৱা জনাই ঈশ্বৰক উচৰ্গী দিব। পোন প্ৰথমে হৰিধ্বনি কৰিব।

ও—হৰি, ও—ৰাম, উৎসৱ কৰিয়ে হৰি বোল।


উৎসৰ্গা।

       মৌ মাখীয়ে যি দৰে পবিত্ৰ অপবিত্ৰ অনেক ঠাইৰ অনেক পুষ্পৰস গোটাই মৌৰ ৰহঘৰা নিৰ্ম্মাণ কৰি সাধু, সন্ত, মহন্তক মধু পান কৰাই তৃপ্তি কৰিছে, সেই অনুসাৰে সেৱা উপলক্ষে যেয়ে যতে যি পাইছে তাকে সংগ্ৰহ কৰি তোৰা সব সমূহ ভক্ত সকলক আগত লৈ এই দ্ৰব্য খিনি ঈশ্বৰক অৰ্পণ কৰিছে।

অপবিত্ৰ যিটো অতি     পবিত্ৰ হোৱে বা যদি

সমস্ত অৱস্থা আছে পায়া।
কমল লোচন যিটো     সুমৰে তাৰেহে শুদ্ধ

বাহিৰে ভিতৰে হোৱে কায়া।।