পৃষ্ঠা:আদিচৰিত.djvu/৯৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
আদি চৰিত

দিহিং নদীৰ তীৰে সত্ৰক পাতিলা।
সিকাৰণে সত্ৰ সেহি দিহিং নাম[১] থৈলা॥৮৮০
নিজ গুৰু ধৰ্ম্ম তৈতে কৰিলা বাগান।
দিহিং সত্ৰৰ নাম কৈলোঁ এহিমান।
যাৰ বংশে নাম কৈলা যদুমণি নাম।
সেহি সত্ৰ শুনা সবে নাহিকে উপাম।
সেহি সত্ৰে অধিকাৰী পাতি যদুমণি।
তাহাঙ্ক চাহিয়া গুৰু বুলিলন্ত বাণী।
শঙ্কৰ বদতি কথা শুনা যদুমণি।
জীৱ সব সচঙ্গ কৰাইব আপুনি।
মোৰ বাক্যে এহি সত্ৰে তুমি থাকিয়োক।
আসন প্ৰসঙ্গ সবে পাতিয়া থাকোক॥৮৮৫
তাহাঙ্ক ইসব বাক্য বুলিয়া শঙ্কৰ।
তাঙ্ক থৈয়া ভাটী মুখে গৈলন্ত ঈশ্বৰ।
গুৰু বাক্যে সেহি সত্ৰে যদুমণি ৰৈলা।
অসংখ্যাত জীৱক সচঙ্গ ভক্তি দলা
মাধৱ বদতি কথা শুনা ভক্তগণ।
তৈৰপৰা নৌকা মেলি গৈলা গুৰুজন।
তৃতীয় দিবসে ৰত্নপুৰ দেশ পাইল।
পাটবাউসী গ্ৰামৰ দক্ষিণে গুৰু ৰৈল।


  1. আজিকালি এই ঠাইক দিহিং থান বোলে