তজু পুত্ৰ মন্ত্ৰীগণে পাইব মন্ত্ৰ জয়।
হেন শুনি লক্ষ্মী ভৈলা আনন্দ হৃদয়॥ ৯৬
সেহি বেলা সূৰ্য্যদেৱে কৰে কাপ ধৰি।
ৰণজয় মন্ত্ৰক লিখিলা যত্ন কৰি॥
ধাতু তাম্ৰক্ষৰৰ লিখিলা শাস্ত্ৰখান।
নিজ হস্তে সূৰ্য্যদেৱে কৰিলা নিৰ্মাণ॥ ৯৮
অতি বিচক্ষণ শাস্ত্ৰ ধাতু তাম্ৰক্ষৰ।
কল্পতৰু নামে শাস্ত্ৰ পৰম সুন্দৰ॥
ব্ৰহ্মা বিষ্ণু ৰুদ্ৰ দশ দিগপালগণ।
সমস্তৰে বীজ মন্ত্ৰ লিখিলা যতন॥ ১০০
লক্ষ্মী সৰস্বতী জগধাত্ৰী দশভুজা।
ভিনে ভিনে লিখিলন্ত সমস্তৰে পূজা॥
যাৰ যেন পূজা মন্ত্ৰ যাৰ যেন ধ্যান।
সেহিমতে শাস্ত্ৰখান কৰিলা নিৰ্মাণ ॥১০২
যেহি দেৱতাৰ মন্ত্ৰে পূজাক কৰয়।
ভুকুতি মুকুতি সুখ নিছয়ে পাৱয়॥
হেন কল্পতৰু নামে শাস্ত্ৰক লিখিলা।
বিজয়ৰ বীজ চণ্ডী মন্ত্ৰক নিৰ্ম্মিলা॥ ১০৪
মনত বোলন্ত সূৰ্য্য মোৰ পুত্ৰ দুই।
স্বভাৱে বৈষ্ণৱ হৈবে জানোহোঁ নিশ্চয়॥
যিবা বৰ লক্ষ্মী মোত খুজিয়া আচয়।
জ্যেষ্ঠপুত্ৰ শান্তানুৰ উপকাৰ হয়॥১০৬
পৃষ্ঠা:আদিচৰিত.djvu/১৪
এই পৃষ্ঠাটোৰ বৈধকৰণ হৈছে
১০
আদি চৰিত
![](http://upload.wikimedia.org/wikipedia/commons/thumb/0/01/%E0%A6%86%E0%A6%A6%E0%A6%BF%E0%A6%9A%E0%A7%B0%E0%A6%BF%E0%A6%A4.djvu/page14-919px-%E0%A6%86%E0%A6%A6%E0%A6%BF%E0%A6%9A%E0%A7%B0%E0%A6%BF%E0%A6%A4.djvu.jpg)