এই পৃষ্ঠাটোৰ বৈধকৰণ হৈছে
১১৩
অসমীয়া ৰামায়ণ।
তেজা বিলঙ্গল কাম, এখনে আসিব ৰাম,
অব্যাহতে মৃগক সংহৰি।
তেজিয়ো শোকৰ জাল, আনিবন্ত মৃগ ছাল,
বসিয়া থাকিবা ৰঙ্গ কৰি ৷৷
॥
—০—
দুলড়ি।
লক্ষ্মণৰ হেন, বচন শুনিয়া,
জ্বলিল কোপ সীতাৰ।
স্বামীৰ সন্তাপে, নিষ্ঠুৰ বচনে,
বুলিলা কৰি ধিকাৰ।৷
শুনৰে পাপিষ্ঠ, লক্ষ্মণ দুৰ্ঘট,
বুজিলোঁ তোহাৰ চিত।
তইযেন হিত, স্বামি যে ৰামত,
আজিসে ভৈলা বিদিত॥
মৰো বুলি প্ৰভু, ডাকিলন্ত শুনি,
হৰিষ পাইলি বিস্তৰ।
বাঘৰ সদৃশ, শৰীৰ তোহোৰ,
মুখ গোট হৰিণৰ॥
