এই পৃষ্ঠাটোৰ বৈধকৰণ হৈছে
“মৰণ পথিক”
সন্ধিয়াৰ বীণ খনি
নৌ বাজোতেই
হিয়াৰ কৰুণ গীত
নৌ গাওঁতেই
হৃদয়ৰ আশা মুখ
অতৃপ্ত বাসনা লৈ
যায় এটি মৰণ পথিক
বহু দূৰ দূৰান্তৰ মৃত্যু পুৰীলৈ।
আছে নেকি অনস্তৰ
সীমাৰ শেষত
কোনো এটি মৃত্যুবাস
সুদূৰ কূলত
সীমা তাৰ, স্থিতি তাৰ
আছে নেকি কোনোবা দেশত?
নাই যদি মৰণ আবাস,
যায় নো কলৈ অত মৰণ পথিক?
পথশ্ৰান্ত পথিকৰ
হিয়াৰ জুৰণি লবলৈ
নাই যদি কোনো এটি বাস,
অসীমৰ শূন্য কোলাত
নাই যদি জিৰণি আবাস,
