পৃষ্ঠা:অসমৰ বুৰঞ্জী গোহাঞি বৰুৱা.djvu/৫৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে
আহােম ৰজাৰ ৰাজত্ব

 নৰা-যুদ্ধ:- চুডাংফা কোঁৱৰক ৰজা নৌপাতোঁতেই সিফালে চাওপুলাই কোঁৱৰ ৰাজ্যলাভৰ আশাত নিৰাশ হৈ, নৰা-ৰজাৰ ওচৰত সহায়প্রার্থী হলগৈ। নৰা-ৰজা আৰু আহােম-ৰজা পূৰ্ব্বৰ একে বঙহৰ দুই ৰাজবংশধৰ। পিচে, নৰা-ৰজাক চাওপুলাই কোঁৱৰে এইদৰে বুজাই কলেগৈ যে মন্ত্রীসকলে কু-মন্ত্ৰণা কৰি, সৌমাৰত আহােম বংশৰ ৰজা লােপ কৰি, বামুণীয়া ৰজা পাতিবলৈ আয়ােজন কৰিছে। নৰা-ৰজা চুকনফাই সেই কথাত বিষম পাই, তেওঁৰ চিনপৌ নামেৰে বৰগােহাঞি-ডাঙৰীয়াক, এজাক তেজী সৈন্য লগত দি, আহােম ৰাজ্য আক্রমণ কৰিবলৈ পঠিয়ায়। নৰা-ৰজাৰ আগন্তুক আক্ৰমণৰ বাতৰি পাই, ইফালৰপৰা চুতাংফা স্বৰ্গদেৱৰ ত্যাতানবিদ বৰগােহাঞি ডাঙ্গৰীয়ায়ো সৈন্য-সামন্ত লৈ আগবাঢ়ি গৈ, তিপামৰ কুঁহিয়াৰবাৰীৰ ওচৰতে নৰা-ৰজাৰ ফলীয়া মানুহৰে সৈতে ভেটা-ভেটি হলগৈ। তাৰ পাচে, চিনপৌ বৰগােহাঞিয়ে আহােম ৰজাৰ ফালৰ মানুহৰ মুখে চুডাংফা স্বগ্ৰদেৱৰ সম্বন্ধে সকলাে বৃত্তান্ত শুনিলে। শুনি, আহােম ৰাজপাটত আহোম ৰাজবংশৰ ৰজা বিদ্যমান থকা জানি, তেওঁ যুদ্ধ দিবলৈ অমান্তি হ’ল। গতিকে, খ্রীঃ ১৪০১ চনত, দুয়ােজনা বৰগােহাঞি ডাঙ্গৰীয়াই পাটকাই পৰ্ব্বতকে দুই ৰাজ্যৰ মাজ-সীমা পাতি, ভৱিষ্যতে কোনো পক্ষই সেই সীমা পাৰ নহবলৈ অঙ্গীকাৰ কৰিলে। আৰু, সেই সন্ধিৰ চিনস্বৰূপে দুয়োজনা বৰগােহাঞিৰ দুটা শিলৰ প্রতিমূর্ত্তি কটাই তাতে স্থাপন কৰা হয়। ইয়াৰ পাচত, চাওপুলাই কমতেশ্বৰ ৰজাৰ ওচৰত সহায় প্রার্থী হ’লগৈ। কিন্তু, কমতেশ্বৰৰ জীয়ৰী আহােম ৰজাৰ ৰাজনী কুঁৱৰীৰ কৌশলত, কমতেশ্বৰে স্বৰ্গদেৱ চুডাংফালৈ নিজৰ বংশৰ ভাজনী নামেৰে কুমাৰীক বিয়া দি, বৈবাহিক সুত্ৰেৰে পূৰ্ব্বৰ মিত্ৰতা দৃঢ়তৰ হে কৰিলে।* চুডাংফা স্বৰ্গদেৱে চৰগুৱাত নগৰ পাতি, পােন-প্রথমে শিঙৰিঘৰ উঠি, আহােম বিধিমতে ৰাজপাট গ্রহণ কৰে। তেওঁ মুঠতে ৯ বছৰকাল ৰাজ কৰাৰ পাচত, নিজে পতা চৰওৱা নগৰত, খ্ৰীঃ ১৪০৭ চনত স্বৰ্গী হয়।

স্বৰ্গদেৱ চুজাংফা

 স্বৰ্গদেৱ চুতাংফা বা বামুণী-কোঁৱৰ স্বৰ্গী হােৱাত, তেওঁৰ পুতেক চুজাংকা কোঁৱৰ ৰজা হয়। তেওঁ খ্ৰীঃ ১৪০৭ চনৰপৰা ১৪২২ চনলৈকে, ১৫ বছৰ ৰাজত্ব কৰি স্বৰ্গী হয়। তেওঁৰ ৰাজত্বৰ কালত লেখত লবলগীয়া কোনাে ডাঙৰ ঘটনা হােৱা নাছিল। চুজাংফা স্বৰ্গদেৱৰ দিনত ত্যাতানবিদৰ লােকান্তৰ হােৱাত, তেওঁৰ পুতেক নাংচুখাম্ বৰগােহাঞি ডাঙ্গৰীয়া হয়।

স্বৰ্গদেৱ চুকক্ফা

চুজাংফা স্বৰ্গদেৱৰ পাচত, তেওঁৰ পুতেক চুককফা কোঁৱৰ খ্ৰীঃ ১৪২২ চনত ৰজা হয়। তেওঁৰ দিনত খেনলুং আৰু নাওনিম্ ক্ৰমে বুঢ়াগােহাঞি-ডাঙ্গৰীয়া আৰু


 *মিল:-প্ৰফেচাৰ ৰায়বাহাদুৰ সূৰ্য্যকুমাৰ ভূঞা সম্পাদিত ‘দেওধাই অসম বুৰঞ্জী,” ১১ পৃষ্ঠা।