এই পৃষ্ঠাটোৰ বৈধকৰণ হৈছে
প্ৰেমৰ স্তৱক
তোক ভালপাওঁ বুলি ক'লে
চকুৰ দাপোণত নজ্বলাবি তৰা
পিয়াহ লাগিছে বুলি ক'লে
নুখুলিবি বুকুৰ কল্কল্ নিজৰা।
ক’লা জামুকীয়া কলিজাটো
উপহাৰ দিলে তোক
নিদিবি নিদিবি মেলি
কুহকিনী সুৰঙ্গৰ তোৰ অপাৰ বিস্ময়
তীৰত্যাগী গুণ যেন
থৰথৰ কঁপে পুষ্পিতা সময়
নিস্তেজ তেজত মোৰ
ফুলি উঠে
সপোনৰ অলেখ ডালিম ফুল।
ওপৰৰ ওঁঠত আছে মোৰ
যুৰীয়া তিল
যন্ত্ৰণাৰ বাঁহী এটা সেয়ে
ৰৈ ৰৈ বাজি থাকে
বুকুৰ কোনোবাখিনিত
সপোন এটাই খেদি ফুৰে
পথাৰে পথাৰে
অ’ মোৰ কুমাৰী প্ৰেয়সী মাটি
তোৰেই আজন্ম ব’ৰাগী প্ৰেমিক মই।
৪২ / অনুচ্চ আর্তি
