পৃষ্ঠা:অনুচ্চ আৰ্তি.pdf/২২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

সঁচ

চকামকা পোহৰত খুপি খুপি খোজকাঢ়ে
পয়ালগা ল'ৰাৰজা
নাগপাশে বন্ধা হাত-পাৱ
সকলোতে শতৰু দেখে
কাৰো সঞ্জাত নাই
চৌদিশে পিয়াপি দিয়ে
সেয়ে শেন চকুৱা ৰিপুৱাই
পথাৰতো গজিব পাৰে নিখুঁত কোঁৱৰ
বতাহেও বব পাৰে খাট কঁপা ভীষণ চিঞৰ।

বৰৰজা বহি আছে ছোঁঘৰৰ আন্ধাৰত
চৌদিশে চঞ্চল চন্তৰী
ভাগখোৱা মেধাৱী প্ৰহৰী
হাতে হাতে বহুজাতিক বিচিত্ৰ মৰণবাণ
এনেহেন লাগে যেন কাৰো নাই পৰিত্ৰাণ।

জানো
হেৰা
প্ৰিয়া জয়মতী
জেৰেঙাত ভোগিছা জীয়াতু অতি
শিলেৰে বান্ধিছা কুমলীয়া হিয়া
আমঠু পৰিলেও ক’লা
নিদিয়া সংবাদ তুমি
সেউজীয়া জোলোঙা সযতনে বুকুত বান্ধি
নগা পৰ্বতত গোপনে ভ্ৰমি ফুৰা
পদাতিক খনিকৰ লাঙি গদাপাণিৰ।

২২/ অনুচ্চ আৰ্তি