এই পৃষ্ঠাটোৰ বৈধকৰণ হৈছে
১৫
অঞ্জলি
নাও খনি যায় উটি সোঁতৰ লগত,
নিজৰ ছঁয়াটি পানী ধাৰত কঁপাই,
গই গই নাও খনি কামাখ্যা ঘাটত
বান্ধিলেহি পৰ্ব্বতৰ ওচৰ চপাই।
আছেহি আঁউজি বগা খুটাত ঘাটতে
মালতী, কলহ লই কোমল কাষত;
উটুৱাই দিছে, বহি চকু থই তাতে
বনৰীয়া ফুল ছিঙি সোঁতৰ লগত;
আকাশ ঢাকনি সৰি পৰিল তলত,
ওপৰ মুকলি হল তল আন্ধাৰত।
প্ৰণয়-বাতৰি
⸺::⸺
গাৱঁৰ মূৰত থকা বিলৰ মাজত
কত ফুল ফুলে আরু তাতে মাৰ যায় ,
কোনে শুনে, কোনে কয় তাৰ ইতিহাস
নাচি হাঁহি আপুনি লুকা
