ন পোহৰৰ ৰ’দ কাঁচলিত

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক


ন পোহৰৰ ৰ’দ কাঁচলিত
              তাঁতৰ পাটত বহি
       ন সূৰুযৰ জিকমিকনি সহি
              তই
       ন চানেকিৰ নতুন ফুলটো বাছ

সেই পুৱাতেই
       মোৰ গানটো শুনি
              যদিহে তই
                      থমক্‌ খাই আছ
       তেন্তে মোৰ গানতেই তই
              প্ৰথম শাৰী গুণগুণকৈ গাবি
তোৰ নিজৰ মনৰ
           আউলী কথাৰ
                  আপুনি অৰ্থ পাবি৷

মোৰ গানৰ শেষ শাৰীটো
                  তোৰ চোতালত গালে
       এখুজি দুখুজিকৈ
                  মই গৈয়েকি
       তোৰেই ওচৰ পালে
       মোৰ মুখলৈ চাবি
তই বিচৰা ন চানেকি
                  মোৰ কপালত
                  জিলিকি থকা পাবি৷৷