নৰকঙ্কালৰ নৃত্য দেখিলি কোনে

ৱিকিউৎসৰ পৰা
Jump to navigation Jump to search
নৰকঙ্কালৰ নৃত্য দেখিলি কোনে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


নৰকঙ্কালৰ নৃত্য দেখিলি কোনে?
       ত্ৰাসত নাথাক মনে মনে৷

ভয়ঙ্কৰী ছন্দ জাগি
       উল্কাবেগে যায়
                আকাশে
                বতাহে
                পৃথিৱীয়ে
                     প্ৰলয়ঙ্কৰী জুই জ্বলায়৷

সেই অগনিয়ে
       লোহাৰ মানুহ
                     সোণৰ কৰি যাব
ভ্ৰান্তৰ দলে
       মানৱ প্ৰাণৰ
       মহাজীৱনৰ, মহা সৌন্দৰ্য্যৰ
                     সত্য বিচাৰি পাব
                     আনন্দ গান গাব৷৷