নতুন দিনলে’ যাত্ৰা কৰিলি

ৱিকিউৎসৰ পৰা
Jump to navigation Jump to search


নতুন দিনলে’ যাত্ৰা কৰিলি
            ‌ কোনে কোনে
                কোনে কোনে?
       ভাগ্য পঢ়িলি মনে মনে
                      মনে মনে৷

সেইটি বাটত
       দুখৰ জ্বলে জ্বলন্ত এঙাৰ
       মৃত্যুয়ে তাত বাটে বাটে ধৰিছে হেঙাৰ
                মৃত্যু বিজয়ী ন জোৱানৰ
                      যাত্ৰা ৰুধিবি কোনে?
                      যাত্ৰা ৰুধিবি কোনে?

       সমদলৰ সংঘাত লাগি
                পৰ্ব্বত খহি যাব
       জীৱনৰ তেজ জ্বলি উঠা দেখি
                মৃত্যুও কোঁচ খাব
       সিহঁত যাব, সিহঁত যাব, বিস্ফোৰি বিদাৰি
                        যাব--- মহালোকৰ পিনে
       মৃত্যুবিজয়ী ন জোৱানৰ যাত্ৰা ৰুধিবি কোনে?