নতুন দিনৰ ন ছোৱালী

ৱিকিউৎসৰ পৰা
Jump to navigation Jump to search
নতুন দিনৰ ন ছোৱালী
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


নতুন দিনৰ ন-ছোৱালী
         মোৰ গানটো যদি গাৱ
         মোৰ সুৰত যদি উটি বুৰি যাৱ
         মোৰ কপালৰ নতুন জ্যোতি যদি ভাল পাৱ
                    মোৰ গানটো যদি গাৱ৷

মোৰ গানটো যদি গাই থাকোতে জ্বলে বুকুত জুই
         সপোন দেখি নাথাকিবি
                    অ’ ছোৱালী শুই
                    যদি, জ্বলে বুকুত জুই৷

মোৰ গানত আছে ন বিজুলি
         ন জীৱনৰ ন সজুলি
                    নতুন মানুহ সাজিবলৈ নতুন বটালি
                    মোৰ গানে তোক বাট দেখুৱায়
                                   পোহৰ কৰি
                    ন ভৱিস্যৰ নতুন ৰাজ আলি৷৷