তোৰ সিদিনাৰ পুৱাৰ গানে

ৱিকিউৎসৰ পৰা
Jump to navigation Jump to search
তোৰ সিদিনাৰ পুৱাৰ গানে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


তোৰ সিদিনাৰ পুৱাৰ গানে
            কি নুবুজা গোপন কথা আনে
            দূৰণিৰ ভাষা মই যে নুবুজোঁ
                        মাথোঁ, আকুলতা জাগে মনে প্ৰাণে৷

এই পৃথিৱীৰ
            গন্ধ গানৰ বৰ্ণচয়ৰ
                        ছন্দ সুৰৰ কত নিজৰা বয়
মোৰ সপোনে তাৰ পাৰতো
                        উচুপিয়ে ৰয়৷
উচুপনিৰ নতুন ছন্দ জাগে
            নতুন সুৰে সাৰ পাই তাতে
                        নেদেখা নুশুনা নুবুজা গানৰ
                                    চিৰ পৰিচয় মাগে৷৷