তোৰ মনত যদি নপৰে

ৱিকিউৎসৰ পৰা
Jump to navigation Jump to search
তোৰ মনত যদি নপৰে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


তোৰ মনত যদি নপৰে মোৰ মৰমসনা কথা
তোৰ প্ৰাণত যদি উচুপি নুঠে
            মোৰ কৰুণ গানৰ ব্যথা
            মোৰ মৰম সনা কথা৷

তেনে মোৰ ফুলনিৰ ৰঙা গোলাপ
            কিয় চিঙিলি
তোৰ কেণিত মোৰ শেৱালি কিয় তুলিলি?
তোৰ সোণবৰণৰ ৰিহাৰ আগত
            কিয়, মোৰ নামটো লিখা
তোৰ মোক চাই থকা পদুম চকুত
            জ্বলে,---- কিয় জ্যোতি শিখা?