তোৰ ভাৱনাৰ গানৰ কত তৰা

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক


তোৰ ভাৱনাৰ
         গানৰ কত তৰা
                    মোৰ মন আকাশত ভৰা৷
মোৰ মনীষা পৰ্ব্বতৰ
           তোৰ মৰমৰ
                     উচ্ছল নিজৰা
মোৰ প্ৰতিভাৰ
            সোণ পথাৰত নামে
কবিতাৰ ধান ফুলাই
           ধন ফুলাই
                      কতনা চামে চামে
বৈ বৈ যায়
           জান হৈ জুৰি হৈ
                      অকণমানি নৈ হৈ
মোৰ প্ৰাণৰ তোৰ মৰমত
           দুকোল দাকাল
ভৰ বাৰিষাৰ ফেনে ফোটোকাৰ
           বৰ লুইতত পৰে
তোলৈ মোৰ ভালপোৱাৰ
           পাৰ নথকা সাগৰলৈ
                     সুন্দৰ যাত্ৰা কৰে৷৷