তোলে’কে চায়ে আছে

ৱিকিউৎসৰ পৰা
Jump to navigation Jump to search
তোলে’কে চায়ে আছে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


তোলে’কে চায়ে আছে
            অকণি, তোল’কে চায়ে আছে৷

আজি শিকলি মুকলি
            ভাৰতী আয়ে
            চকুপানী মছি
                      তোলে’ অকণি
                                তোল’কে চায়ে আছে৷
গাঁৱৰ গাঁৱলীয়াই
অজলাই দুখীয়াই
বাগিছাৰ বনুৱাই
খনি কাৰেখানাৰ
            কতনো কাজুৱাই
                     তোল’কে চায়ে আছে৷
                     তোল’কে চায়ে আছে৷
তয়ে দেশ তৰিবি
তয়ে দেশ ৰখাবি
            জনতাৰ চোতালত পোহৰ নিজৰাবি
                                সৰগ নমাবি
                                       পৃথিৱীলৈ
            দুখীয়া নিছলাই
                        তোলে’ চাই বাটলৈ
                        তোলে’ অকণি
                        তোল’কে চায়ে আছে৷৷