ডিবৰু গড়ৰে ডিবৰু নৈ

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক


ডিবৰুগড়ৰে ডিবৰু নৈ
            কেনি বৈয়ে যাৱ লুইতলৈ
নীল পৰ্ব্বতৰ
অঁকা আবৰৰ
বন মৰমৰ
            আনিছনে কিবা বতৰা ঐ
                                    ভৈয়ামলৈ৷
তাৰ কত নিজৰাই
            তোক চুমা খাই
অঁকা আবৰৰ সোণ মইনাই
            শিলনি ডবাৰ গোন্ধ বিৰিঙাই
                        পঠালেনে কিবা সাগৰলৈ
                        তই বৈ যাঁওতে
                        কলেনে কিবা মোক কবলৈ
            পৰ্ব্বতে ভৈয়ামে সখি পতোৱা
                        সোণৰ সাধুটো
                                    মোৰ গানত লিখিবলৈ
                                    কেনি বৈয়ে যাৱ লুইতলৈ?