জোনৰ জেউতি ফুলনিত পৰি

ৱিকিউৎসৰ পৰা
Jump to navigation Jump to search
জোনৰ জেউতি ফুলনিত পৰি
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জোনৰ জেউতি
ফুলনিত পৰি
            পাতৰ আঁৰত লুকাই
পুৱাৰ নিয়ঁৰে
            চকুপানী টুকি
                        দুবৰি বনতে শুকাই৷
আন্ধাৰৰ বুকুতে
            তৰা জকেমকাই
                        পুৱা পোহৰতে নুমাই
কোনে ডাৱৰৰে
            বুকুত জিকেমিকাই
                        আকাশত বিজুলীয়াই?
কোনে গধূলি বেলিকা
            বেলিটো নুমালে
                        জোনৰে চাকি জ্বলায়?