জুইৰে আঁকিলি তৰা আকাশত

ৱিকিউৎসৰ পৰা
Jump to navigation Jump to search
জুইৰে আঁকিলি তৰা আকাশত
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জুইৰে আঁকিলি তৰা আকাশত
                         জুইৰে আঁকিলি তৰা
            কোন কাহানিৰে পৰা ?
            কোন কাহানিৰে পৰা
            আকাশত আঁকিলি তৰা--- আন্ধাৰ পোহৰ কৰা?
                        পৃথিৱী আঁকিলি
                                    ইমান ফুলৰে
                        শেৱালি নেৱালি পলাশেৰে
                                    চম্পা কেতেকী পদুমৰে
                        ৰূপৰে
                        ৰসৰে
                        বৰণেৰে
                                    গন্ধ গানৰে ভৰা
                                    কোন কাহানিৰে পৰা?
            অনাদিকালৰ প্ৰথম শিল্পী তই
                        অশেষ সপোন
                                    আঁকিছ বিশেষকৈ
                        এক নিমিষৰ মানৱ শিল্পী হৈ
                                    আহিলোঁ পৃথিৱীলৈ
                                                তয়ে অঁকা ছবি
                                                            সজাই পৰাই
                                                                        শুৱনি কৰিবলৈ৷৷