জোনাকী কাৰেঙত কোনে বীণ বায়?

ৱিকিউৎসৰ পৰা
Jump to navigation Jump to search
জোনাকী কাৰেঙত কোনে বীণ বায়?
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জোনাকী কাৰেঙত কোনে বীণ বায়?
            জোনাকী কাৰেঙত কোনে বীণ বায়?
পোহৰে পোহৰে হাঁহি বিলায়!
আমাৰ নিমাতীৰ কোনে মাত ফুটাব
ওঁঠতে হাঁহিটি দিব ফুলাই?
আমাৰ নিমাতীজনী
নীলা সাগৰৰ হীৰা মণি
আৰুণৰ হাঁহিৰে মুখনি বোলোৱা
আলাসৰ প্ৰতিমাখনি৷
হাঁহো হাঁহোকৈ
চকু দুপাহিয়ে
            হঁহা নাই অতদিনে
মাতো মাতোকৈ
            ওঁঠ দুখনিয়ে
                        অমাতেৰে মন জিনে৷
ধিয়ানে- গিয়ানে সচিতে- সপোনে
কাকনো বিচাৰে কাকনো চায়?
            বীণখনি বায়
কোনেনো দিবহি হাঁহি ফুলাই?
নিমাতী কইনাৰ মাত ফুটা নাই
            অ’ মাত ফুটা নাই
জোনাকী কাৰেঙৰ কোনে বীণ বায়?